Andrew Lloyd Webber's Starlight Express - Live On Stage PG

*Dangosiad Sinema*

Wedi’i ffilmio yn fyw yn Awdiotoriwm Starlight yn Theatr Troubadour, Parc Wembley, bydd Starlight Express - Live On Stage gan Andrew Lloyd Weber yn trochi cynulleidfaoedd mewn byd o gyflymder, cân ac adrodd stori wrth i gast anhygoel o 40 wibio ar draws y sgrin, yn perfformio rhai o hoff ganeuon y theatr gerdd.

Wrth i set trên plentyn ddod yn fyw ac wrth i’r injan rasio i ddod y cyflymaf yn y byd, ychydig iawn o obaith sydd gan Rusty, y trên stêm, i ennill nes y caiff ei ysbrydoli gan chwedl y ‘Starlight Express’.

Dyma sioe lwyfan glasurol, sydd wedi cael ei weld o amgylch y byd gan dros 30 miliwn o bobl yn y 40 mlynedd ddiwethaf. Gyda cherddoriaeth gan Andrew Lloyd Webber a geiriau gan Richard Stilgoe, mae Starlight Express - Live on Stage gan Andrew Lloyd Webber yn brofiad trydanol i bob oed, ar y sgrin fawr am y tro cyntaf erioed.