Budapest Café Orchestra

Mae’r BCO yn gerddorfa anghonfensiynol a bwtîg, sy’n darparu cerddoriaeth gwerin yn eu ffordd ffres a gwahanol eu hunain. O ddarnau traddodiadol Rwsieg a Balcanaidd i ddarnau celfyddydol o gampweithiau Rhamantaidd i anthemau gwerin Gaeleg, bydd eu cerddoriaeth heintus yn treiddio i’ch gwaed ac yn aros am byth.

Gyda 15 o albymau i’w henw, sefydlwyd Budapest Café Orchestra yn 2009 gan y cyfansoddwr a’r ffidlwr Prydeinig, Christian Garrick, gan arwain at ennill nifer o gefnogwyr gyda’r perfformiadau hudolus a heintus. Ensemble bach ond cywrain o bedwar o chwaraewyr, mae’r BCO yn cyfuno’r ffidil, acordion, bas dwbl, saz a balalaika, gan greu alcemi clywedol anhygoel sydd fel arfer ond yn cael ei glywed gan ensemble llawer mwy.

Mae dau o unawdwyr rhyngwladol mwyaf blaengar y wlad yn gorfoleddu yng nghanol y gweithgareddau. Mae’r chwaraewr acordion anhygoel, Eddie Hession yn bencampwr acordion Prydain Fawr. Yn ei yrfa nodedig mae wedi cyfeilio i Luciano Pavarotti, Placido Domingo, Jose Carreras a Chris Rea. Christian Garrick yw un o feiolinydd jazz mwyaf poblogaidd yn y byd. Mae wedi chwarae cerddoriaeth gyda’r Fonesig Cleo Laine a Syr John Dankworth, Wynton Marsalis, Nigel Kennedy, Bireli Lagrene, Tim Minchin, Caro Emerald a John Etheridge. Mae un o allforion cerddorol mwyaf enigmatig Rwsia, The Sultan (Adrian Zolotuhin) yn feistr y llinynnau offerynnol dorma, balalaika, gitâr a saz. Mae’r baswr Kelly Cantlon wedi bod yn y busnes o daro’r nodau isel ers nifer o flynyddoedd. Daeth Kelly i sylw gyntaf fel Vagabond gyda Northern Soul Sensations, Jimmy James a’r Vagabonds.

Gan ennyn delweddau byw o feistri ffidl Tzigane, bywyd caffi Budapest a thanau agored sipsiwn - yn ogystal â syrpreisys ar hyd y ffordd - adloniant, sgil anhygoel a cherddoriaeth wych, mae sioe gan BCO yn ddigon i wneud i chi fod eisiau archebu gwyliau i lawr y Danube!