Hoppers U

Beth petaech chi’n gallu siarad ag anifeiliaid a deall beth maen nhw’n ei ddweud? Yn ffilm newydd sbon Disney a Pixar, “Hoppers”, mae gwyddonwyr wedi darganfod sut i “hopian” meddyliau pobl i gyrff robotiaid sy’n edrych yr un ffunud ag anifeiliaid, fel bod pobl yn medru cyfathrebu rhwng un anifail a’r llall!

Ein harwr yn yr antur hon yw Mabel, sydd wrth ei bodd ag anifeiliaid ac yn achub cyfle i ddefnyddio’r dechnoleg newydd, gan ddatgelu dirgelion y tu hwnt i’w dychymyg ym myd yr anifeiliaid.