National Theatre Live: Golden Boy (15 TBC)

Gan Clifford Odets. Cyfarwyddwyd gan Sam Yates

Mae Josh O’Connor (The Crown; Challengers) yn arwain y cast yn yr adfywiad deifiol hwn o glasur Americanaidd poblogaidd Clifford Odets.

Efrog Newydd y 1930au, ar anterth y Dirwasgiad. Mae Joe Bonaparte yn fiolinydd ifanc dawnus â dyfodol ym myd cerddoriaeth, nes i gyfle am enwogrwydd a ffortiwn ei ddenu i fyd creulon bocsio proffesiynol. Mae’n rhaid iddo wynebu’r hyn mae’n fodlon ei aberthu, pwy mae’n barod i fod a sut i ganfod ei le mewn byd sy’n mynnu ei fod yn dewis ochr.

Mae’r sioe wedi’i ffilmio’n fyw o Theatr Almeida, gyda phedwarawd llinynnol byw yn dod â hi’n fyw. Sam Yates (Vanya), sydd wedi ennill gwobr Olivier, sy’n cyfarwyddo’r ddrama yriannol hon sy’n trafod uchelgais, hunaniaeth a phris uchel llwyddiant.