![](/imager/content/images/5712/TC-web-Edward_c7146ca0bb4192305dfff03bce12056e.png 500w, /imager/content/images/5712/TC-web-Edward_0ecfc59f7dc62d008c3a66a52863cbae.png 1000w)
Edward Scissorhands: Fersiwn dawns Matthew Bourne o glasur Tim Burton 12A
Genre: Dawns
Mae cynhyrchiad dawns hudol Matthew Bourne o Edward Scissorhands wedi cerfio ei le yng nghalonnau cynulleidfaoedd ar draws y byd ers y perfformiad cyntaf yn 2005.
Yn seiliedig ar ffilm Tim Burton, ac yn cynnwys cerddoriaeth brydferth Danny Elfman a Terry Davies, mae Bourne a’i gwmni New Adventures yn dychwelyd i’r stori ffraeth, chwerwfelys hon o fachgen anghyflawn a adawyd ar ben ei hun mewn byd newydd, estron.
Wedi’i ffilmio’n fyw ym mis Mawrth 2024 yng Nghanolfan y Mileniwm, Caerdydd, mae’r cynhyrchiad ‘visually arresting and ceaselessly inventive’ (★★★★★ Metro) yn ‘perfect treat for all the family’ (★★★★★ The Times).
Mewn castell ar ben bryn mae Edward yn byw; bachgen a gafodd ei greu gan ddyfeisiwr ecsentrig. Pan mae ei greawdwr yn marw, caiff ei adael ar ei ben ei hun ac yn anorffenedig, gyda sisyrnau fel dwylo, nes i fenyw garedig o’r dref ei wahodd i fyw gyda’i theulu maestrefol.
A all Edward ddod o hyd i’w le yn y gymuned groesawgar hon, sy’n ei chael hi’n anodd gweld heibio ei ymddangosiad hynod, i’r diniweidrwydd ac addfwynder tu mewn iddo?
- Sylwer mai dim ond bwyd a diod sydd wedi’u prynu gan Theatr Colwyn y dylech eu bwyta a’u hyfed yma.
Prisiau Tocynnau
£16.50
Con £15.50
Cardyn Premier £13.50
Dyddiadau ac Amseroedd y Ffilmiau
Dydd Mercher
25 Medi 2024
7pm