Silver Springs UK - The Fleetwood Mac Experience

Profiad Fleetwood Mac Heb Ei Thebyg

Camwch yn ôl mewn amser ac ymgolli yng ngherddoriaeth, straeon ac ysbryd un o fandiau mwyaf eiconig y byd. 

Mae Silver Springs UK yn dod ag etifeddiaeth gerddorol arbennig Fleetwood Mac yn fyw gyda’u band saith aelod, sy’n cynnwys tri chanwr proffesiynol wedi’u hyfforddi mewn theatr gerddorol a phedwar cerddor dawnus. 

Mae’n fwy na chyngerdd, mae’n brofiad theatraidd ymdrochol sy’n mynd â chynulleidfaoedd ar siwrnai drwy hanes Fleetwood Mac.  Gan gyfuno cerddoriaeth oesol y band â seinweddau, golygfeydd ac arogleuon atmosfferig y cyfnod, clipiau sain o gyfweliadau’r archif ac adroddiad theatraidd rhwng caneuon, mae’r sioe hon yn gwahodd cynulleidfaoedd i brofi’r straeon, personoliaethau a’r atgofion y tu ôl i’r gerddoriaeth mewn ffordd hollol newydd. 

O ddyddiau cynnar Fleetwood Mac i gerddoriaeth eiconig y cyfnod Rumours a thu hwnt, dyluniwyd pob manylyn i gludo cynulleidfaoedd yn ôl mewn amser, ac atgyfnerthu’r cysylltiad pwerus rhwng cerddoriaeth, y straeon a’r bobl sy’n gwneud y gerddoriaeth mor arbennig. 

Gyda threfniadau byw unigryw, perfformiadau hudol a throsglwyddiadau wedi’u cynllunio’n ofalus, mae Silver Springs UK yn cynnig noson fythgofiadwy yn dathlu’r gerddoriaeth arbennig hon i sawl cenhedlaeth. 

Nid teyrnged yn unig yw’r sioe hon. Mae’n gyfle arbennig i ail-fyw holl glasuron arbennig Fleetwood Mac.