Sinema Babis y Bae - The Devil Wears Prada 2 12A

Bron i ugain mlynedd ar ôl iddynt chwarae’r rhannau eiconig fel Miranda, Andy, Emily a Nigel - mae Meryl Streep, Anne Hathaway, Emily Blunt a Stanley Tucci yn dychwelyd i strydoedd ffasiynol Efrog Newydd a swyddfeydd gosgeiddig Cylchgrawn Runway, yn y dilyniant hir ddisgwyliedig i’r ffenomenon a ddiffiniodd genhedlaeth.

Mae Sinema Babis y Bae yn sesiynau dangos ffilmiau mewn awyrgylch hamddenol ar gyfer rhieni a gofalwyr gyda babanod dan 12 mis. Mae’r ffilmiau wedi’u dewis ar gyfer oedolion, ond mae’r amgylchedd wedi’i addasu i’w wneud yn gyfforddus ar gyfer y rhai bach. Mae’r sain yn dawelach, ac mae’r goleuadau yn cael eu cadw ymlaen yn isel.

Nid oes angen archebu tocyn ar gyfer babanod os ydynt yn eistedd ar lin rhiant neu ofalwr, ac mae croeso i chi barcio eich pram os oes digon o le. Mae’r dangosiadau hyn yn benodol ar gyfer babanod nad ydynt yn cerdded eto, felly ni ddylai plant bach a phlant hŷn fynychu.

Mae croeso i chi fwydo, newid a setlo eich babi yn ystod y ffilm, ac nid oes angen i chi boeni os yw eich babi’n gwneud sŵn, dyna’n union yw pwrpas y dangosiadau. Os ydych chi angen help ar ôl cyrraedd, gofynnwch i aelod o’n tîm.

** Cwestiynau Cyffredin **

Faint oed gall fy mabi fod?

Mae sesiynau dangos ffilmiau Sinema Babis y Bae wedi’u dylunio ar gyfer babanod dan 12 mis.

Alla i ddod â phlentyn bach neu blentyn hŷn?

Mae’r dangosiadau hyn yn benodol ar gyfer babanod dan 12 mis, felly ni fydd plant hŷn yn gallu mynychu.

Oes angen i mi brynu tocyn i’m babi?

Nag oes. Nis oes angen prynu tocyn i fabi os ydynt yn eistedd ar eich glin.

Alla i ddod â phram i mewn i’r awditoriwm?

Cewch. Mae croeso i chi ddod â phram, a bydd staff yn eich helpu chi i ganfod lle addas.

A fydd y ffilm rhy swnllyd ar gyfer fy mabi?

Na fydd. Ar gyfer ffilmiau sesiynau Sinema Babis y Bae, mae’r sain yn dawelach, ac mae’r goleuadau yn cael eu cadw ymlaen yn isel.

Beth os yw fy mabi’n crio?

Mae hynny’n berffaith iawn! Mae’r dangosiadau wedi’u dylunio i fod yn hamddenol ac yn addas i fabanod, felly gall rhieni symud o gwmpas, bwydo neu setlo eu babi unrhyw bryd.

Ydi’r rhain yn ffilmiau i blant?

Nac ydyn. Mae’r ffilmiau wedi’u dewis ar gyfer oedolion, gwiriwch y dosbarthiad cyn archebu. Oherwydd gofynion trwyddedu, ni fyddwn yn gallu dangos ffilmiau 15 neu 18.