The Sound of Music Youth Edition - Stagecoach Colwyn Bay

Ymunwch â ni ar gyfer cynhyrchiad twymgalon o The Sound of Music: Perfformiad Ieuenctid, y sioe boblogaidd yn llawn caneuon bythgofiadwy, coreograffi byw, a stori sy’n dathlu dewrder, teulu a grym cerddoriaeth.

Yn berffaith ar gyfer cynulleidfaoedd o bob oed, mae’r sioe gerdd llawn ysbrydoliaeth yn brofiad hyfryd i’r teulu, gan gyflwyno taith Maria a’r teulu Von Trapp mewn modd sy’n bodloni y rhai sy’n gyfarwydd â’r sioe a’r rhai sy’n ei darganfod am y tro cyntaf.

Fel yr arfer, yn Stagecoach Bae Colwyn, rydym yn falch o ddarparu cyfle i gynifer o’n myfyrwyr â phosibl i serennu. Er mwyn cyflawni hyn, rydym yn cyflwyno dau berfformiad gyda chast cwbl wahanol. Hefyd, rydym yn rhannu rolau’r plant Von Trapp, gyda pherfformwyr yn cyfnewid lle hanner ffordd drwy bob sioe, gan olygu fod gennym 4 grŵp o berfformwyr ifanc dawnus yn perfformio’r rolau hyn yn ystod y perfformiadau!

Yn Stagecoach Bae Colwyn, rydym yn darparu hyfforddiant celfyddydau perfformio o ansawdd uchel ar gyfer pobl ifanc 3-18 oed, yn Ysgol Rydal Penrhos. Mae ein dosbarthiadau ar fore Sadwrn yn llawn hwyl gan ganu, dawnsio ac actio er mwyn magu hyder, ennyn creadigrwydd, a datblygu sgiliau oes mewn amgylchedd sy’n gefnogol a chroesawgar. Felly, os yw eich plentyn yn breuddwydio am gamu ar y llwyfan neu eisiau gwneud ffrindiau newydd a magu hyder, mae lle i bawb yn Stagecoach.

Rydym yn falch o groesawu myfyrwyr newydd bob amser, ac rydym yn cynnal gweithdai cyffrous yn ystod y gwyliau yn llawn creadigrwydd a chyfleoedd i berfformio drwy gydol y flwyddyn. I ddysgu mwy neu i archebu pythefnos o brawf, ewch i: www.stagecoach.co.uk/colwynbay

Bydd y perfformiad yn para oddeutu 1 awr heb egwyl.

Tîm Creadigol: Kayleigh Nicholas, Rob Edwards, Leah Dovey-Evans, Danielle Gorle, Charlotte Starmer-Roberts a Karin Melluish